AUSER UNIPOP 'LA MÀMA DE’L SIGNÙUR' di Agostino Melega (Cremona)
La presentazione si è svolta a CREMONA - 3 MAGGIO 2022 - ore 17.00 presso - MUSEO DELLA CIVILTÀ CONTADINA -(CASCINA DEL CAMBONINO VECCHIO)
En dé, ‘l àangel Gabriéel ‘l è stàt mandàat da’l Signùur in de na cità de la Galiléa ciamàada Našarèt, in višita a na fióola de nùm Marìa, murùuša de ‘n òm che se ciamàava Giüšèp.
‘L àangel, quàan ‘l è stàt in cà sùa, el gh’àa dìt: “Àave, o pièena de gràsia; el Signùur ‘l è cun té”. La fióola, töta stremìida, la capìiva mìia le paròole che ‘l gh’ìiva dìt.
Ma ‘l àangel el gh’àa sübit rispundìit: “Vìighe mìia paüüra, Marìa, perché te gh’èet truàat gràsia davàanti a’l Signùur. Èco cùša te dìši: té te restarèet incìinta e te metarèet a’l móont en fióol e te ‘l ciamarèet Gešö.
Lüü el sarà gràant e i la ciamarà “Fióol de ‘l Altìsim”, e el Signùur el ghe darà el tròono de Dàvide, so pàader, e ‘l regnarà in di sécui sö la càaša de Giacòbe, e ‘l so Règn màai el finirà”.
Alùura Marìa la gh’àa rispòst a ‘l àangel: “Ma in che manéera pudarà sücéeder chèl che te me dìšèt? Mé sùunti véergine!”
L’angel alùura el gh’àa dìt: “El Sàant Espìrit el vegnarà šó sùura de té e la putèensa de ‘l Altìsim la te quarciarà cun la so óombra; ‘l è per chéesto fàto che el sàant che nasarà el vegnarà ciamàat “Fióol de’l Signùur”.
Leggi tutto qui “LA MÀMA DE’L SIGNÙUR”
Allegati Pdf: