Àan se ’l è pròpia piculìin
el n’à mìs a “pàan e pesìin”
e per ‘ndàa fóora, fìn da la matìna
te gh’èet de metìite la maschérina.
E pò, àan se te séet mìia ansiàan
te tùca, de spès, lavàate li màan;
cuzé i te dìis de stàa in cà
e de ‘ndàa fóora apèena per necesità.
Ma àan se la primavéera la và avàanti
per el paées gìira li màchini cun j altoparlàanti
che li te fà paüüra e mìla racumandasiòon
àan se li stèsi ròbi te li sèentet in televiziòon.
-
E se te vóot mìia d’i màai de pàansa,
cun li persùni… mizüüra en méter de distàansa.
ma intàant, però, se impièena j uspedàai
e, i malàat, i sa gnàan pö cùma fàa a ciapàai…
Ma nuàalter spéerum amò che ‘l “virus” el finirà
per turnàa, bèen o màal, a la nòostra libertà.
Giàcinto Zanetti, dopo aver prestato servizio per trentanove anni come maestro elementare, di cui gli ultimi ventidue presso la scuola di Bonemerse, ha prolungato la sua attività insegnando il dialetto, come opzionale, presso le classi quarte della Scuola Sacra Famiglia di Cremona . Ama comporre poesie in vernacolo e da fine dicitore le propone negli incontri richiesti da varie Associazioni, organizzati dal gruppo, a cui da tempo ormai appartiene, El Zách .
