En baziin
Gòo vist, in stràada,
intàant che pasàavi,
du muruziin che i se dàava en bazìin.
Ma jéera bèi sti dùu putéi
che i se 'nbucàava cuma juséi.
Màma quàant tèemp ghèe pasàat
dal prim bazìin che gòo pruvàat.
L'éera de séera, sö na stradéla
cun me muéer amò putéla.
Àan me però sìi mìia tàan véc
àansi per dìila ghiivi i stès àn
ma me credìivi tàant püsèe gràand.
Ma l'è stat bèl: el cóor el tremàava
intàant che àan lée la me bazàava.
Èeco - gòo dìt - cuma càambia i tèemp:
nòon se sguarnàaum,
chèesti chè 'nvéci i gàa mìia paüura
de fàase i sóo bèi cumplimèent
àanca ché in stràada,
in méza ala zèent.
Séera d'invèernu
Brìla la néef só i càamp
brìla la stràada, amò pièena de giàs;
in del lüzùur pedàali.
Sòo de per mé ma gòo mìia paüura;
vàardi la löna che me fà cumpagnìa,
vàardi li stéli che pàar che li scintìla.
Ghè 'n gràan silèensio intùurnu,
cuzé tàanta pàas che sèenti gnàan el frèt.
Sòo pièen de sentimèent.
I'n só la purteséla me spéta la murùuza.
Pedàali, e sòo cuntèent
Franco Guindani (Cremona)
Biografia Franco Guindani, nato a Corte de’ Frati il 22 settembre 1942.
Ha Abitato a Corte de’ Frati fino a qualche anno fa.Insegnante elementare, pensionato dal 1992. Impegnato da sempre nella politica locale, dal 1975 al 1995 ha svolto il ruolo di consigliere comunale, assessore con incarico alla istruzione e infine di sindaco di Corte de’ Frati. Attualmente risiedo a Cremona. Iscritto al Sindaco dei Pensionati della CGIL. Appassionato di dialetto, mi piace scrivere e curiosare nelle vecchie carte, alla ricerca di un mondo che se pur recente non esiste più, ma che merita di essere conosciuto e capito perché in esso affondano le nostre radici.