Te Voi Bèèn.Poesia in dialetto cremonese alla donna amata di Andrea Cavalieri
Te Voi Bèèn
Aa!!! Mée aduraàda
süünti chi in camera mia
culegàat soul mée lét
in de scüri de la nòt
a scultàa el rumüür del veènt
in meza li füi de li piaànti.
L’è na sunàada dülsa
che paàr n asinfünianiia
che la crés o la sée sbasa
cun el büf del veènt
e la te sparpaia nel prufüünd de’ spirit
taànta paàs e amòor
e subit el mèe penséer el cur
a la mée innamuraàda
cüma traspurtàat in sou i’aàli d’eèn usignòol
ch’el paàrt in vul
per na tèra luntaàna
Quaànd all’impruiis te sènti visiin
cüma se te fuset chi a scultàa
chèsta musica meravigliùusa
e me tegni el respiir per mia desedaàte
e pèensi al tèemp ch’el se fermi
e che la nòt la pasi maài.
Stùm chi seènza parlàa
l’ün visiin à l’altèer a scultàa
cüma se füs pasàat n’eternità
quàand eèn rumuur in de la nòt
el me deseda da chèsto sogn meravigliùus
slünghi ‘na maàn, Te cerchi
ma Te te ghe sèet mia poü,
Te sèet éndata via
Cüma na füia traspurtaàda dal veènt.
El veènt a poòc a poòc el se perd’in del nièent,
el rümùur de le foie
piaàn piaàn l’e spariss
e ‘l silènzi de la nòt
el casca inturnio a mèe.
Sèent luntàan eèn caàn che bàia
el sifùla d’een treno
che piàan pianiin el se luntaàna
in de la nòtt scüura
e m’indurmèenti.
Te vòi beèn !!!
Cavalieri Andrea è nato nel' 42 a Cremona ed è vissuto in cascina sino al '60.
